შალვა ძებისაშილი ახორციელებს პოსტ-დოქტორალურ კვლევას უსაფრთხოების ინსტიტუტების ტრანსფორმაციის პრობლემატიკაზე და ხელმძღვანელობს საერთაშორისო ურთიერთობების და პოლიტიკური მეცნიერების პროგრამებს საქართველოს უნივერსისტეტის სოციალურ მეცნიერებათა სკოლაში. 2012 წელს მა მიიღო ევროკავშირის კომისიის მიერ დაფინანსებული სადოქტორო (GEM-Erasmus Mundus) სტიპენდია და 2016 წლის იანვარში წარმატებით დაცული დისერტაციის საფუძველზე მიენიჭა დოქტორის ხარისხი ბრიუსელის თავისუფალი უნივერსიტეტის (ბელგია) და ბილეფელდის უნივერსიტეტის (გერმანია) მიერ. 2008-2009 წლებში მას დამთავრებული აქვს უსაფრთხოების სტრატეგიული კვლევების სამაგისტრო პროგრამა აშშ-ს ეროვნული თავდაცვის უნივერსიტეტში (ვაშინგტონი). ხოლო 2009-2011 წლებში ის მსახურობდა ჩრდილოატლანტიკური ალიანსის, ნატო-ს შტაბ-ბინაში საქართველოს თავდაცვის სამინისტროს მთავარ სამოქალაქო წარმომადგენლად (თავდაცვის მრჩევლად). 2003 წლიდან 2008 წლამდე და 2017-2019 წლებში შალვა ძებისაშვილს ეკავა სხვადასხვა თანამდებობი საქართველოს თავდაცვის სამინისტროში, თავდაცვის პოლიტიკისა და დაგეგმვის დეპარტამენტის უფროსის თანამდებობის ჩათვლით. 2018 წლიდან ის აქტიურად თანამშრომლობდა თავდაცვის ინსტიტუციური განვითარების საკოლასთან (DIBS) სხვადასხვა ადგილობრივი და რეგიონალური საგანმანათლებლო კურსების შემუშავება-განხორციელებაში. ის აქტიურად თანამშრომლობს სხვადასხვა არასამთავრობო და ანალიტიკური ორგანიზაციასთან (CCDS, GSAC, GIP) და არის მრავალი აკადემიური სტატიის და პუბლიკაციის ავტორი.
Გია (გაიოზ) ჯაფარიძე არის პოლიტიკის მეცნიერებების, საერთაშორისო ურთიერთობებისა და საქართველოს პოლიტიკის პროფესორი საქართველოს უნივერსიტეტის სოციალურ მეცნიერებათა სკოლაში.
გია ჯაფარიძე ყოფილი დიპლომატია, ის მუშაობდა საქართველოს საგარეო საქმეთა სამინისტროში და სხვადასხვა დროს იყო საქართველოს დიპლომატიური მისიის ხელმძღვანელი კვიპროსის რესპუბლიკაში (2012-2013) და პორტუგალიის რესპუბლიკაში (2010-2011), ასევე მუშაობდა საქართველოს საელჩოს საკონსულო განყოფილებაში საბერძნეთის რესპუბლიკაში და საქართველოს საელჩოებში ათენსა და ლისაბონში მრჩევლის რანგში.
გია ჯაფარიძე აქვეყნებს სტატიებს საქართველოს პოლიტიკის, საერთაშორისო პოლიტიკის, ბალკანეთისა და ხმელთაშუაზღვისპირეთის რეგიონის საკითხებზე. მისი ექსპერტიზის სფეროები მოიცავს ბალკანეთს და ფართო ხმელთაშუაზღვისპირეთის რეგიონს, საბერძნეთს, კვიპროსს, ბერძნულ-თურქულ ურთიერთობებს, პორტუგალიურენოვან ქვეყნებს, ევროპის კავშირსა და აშშ-ის საგარეო პოლიტიკას.
გია იყო საქართველოს რეფორმების ასოციაციის (GRASS) და საქართველოს სტრატეგიული ანალიზის ცენტრის (GSAC) უფროსი მკვლევარი, ასევე ილია ჭავჭავაძის სახელობის ევროპული კვლევებისა და სამოქალაქო განათლების ცენტრის სამეთვალყურეო საბჭოს წევრი და უფროსი მკვლევარი.
განათლება
2016 წელს ვაჟას მიენიჭა საქართველოს უნივერსიტეტის პოლიტიკის მეცნიერების ბაკალავრის ხარისხი, 2020 წელს მან მოიპოვა საქართველოს უნივერსიტეტის საერთაშორისო ურთიერთობების მაგისტრის წოდება რუსეთის საგარეო პოლიტიკის კვლევის მიმართულებით. 2022 წლიდან ვაჟა მუშაობს პოლიტიკის მეცნიერების სადოქტორო კვლევაზე რომელიც ფოკუსირებულია საქართთველოს პოლიტიკური ელიტების ტრანსფორმაციის პროცესზე.
გამოცდილება
აკადემიურ საქმიანობასთან ერთად ვაჟას აქვს საჯარო სამსახურში მუშაობის საკმაოდ მდიდარი გამოცდილება ევროატლანტიკურ სტრუქტურებში ინტეგრაციის და საგარეო პოლიტიკის ანალიზის მიმართულებით.
როლი
ნინო ამჟამად საქართველოს უნივერსიტეტის ნაციონალიზმის, უსაფრთხოებისა და პოლიტიკის კვლევის ცენტრის აკადემიური კოორდინატორი.
გამოცდილება
ნინო არის მეცნიერებათა სადოქტორო კანდიდატი ცენტრალური ევროპის უნივერსიტეტში (CEU). მისი კვლევის სფეროებში შედის პოლიტიკური ტრანსფორმაციები, დემოკრატიზაციის პროცესები ცენტრალურ და აღმოსავლეთ ევროპაში და რეგიონში ნაციონალიზმის ისტორია. სწავლების კუთხით, ნინო ფლობს სერთიფიკატს უმაღლესი განათლებაში სწავლებისთვის და როგორც საქართველოს რამდენიმე უნივერსიტეტში, ისე ცენტრალური ევროპის უნივერსიტეტში დროგამოშვებით უძღვება ნაციონალიზმისა და პოპულიზმის კვლევებთან დაკავშირებულ კურსებს, ისევე როგორც კვლევის მეთოდოლოგიასა და დეზინფორმაციის ანალიზთან დაკავშირებულ საგნებს. ნინოს პუბლიკაციები შეეხება საქართველოს საბჭოთა ისტორიას, მემარჯვენე პოპულისტური დისკურსების ანალიზსს, დემოკრატიზაციისა და დეზინფორმაციის საკითხებს, ისევე როგორც რბილი ძალის პოლიტიკას საქართველოსთან მიმართებაში.
ნინო მუშაობდა ან იყო აფილირებული სხვადასხვა ქართულ და ევროპულ დაწესებულებებთან მოკლევადიან და გრძელვადიან კვლევით პოზიციებზე, მათ შორის ინფორმაციის თავისუფლების განვითარების ინსტიტუტში (IDFI), ევროატლანტიკური ინტეგრაციისა და დემოკრატიის ცენტრში, საქართველოს პოლიტიკის ინსტიტუტში (GIP).
განათლება
ნინო გოზალიშვილი ამჟამად ამთავრებს სადოქტორო დისერტაციას სახელწოდებით "ნაციონალისტური ტრანსნაციონალიზმი: ნაციონალურ-პოპულისტური დისკურსების დეკონსტრუქცია პოსტკომუნისტურ საქართველოში", რომელიც ასახავს მის ღრმა ინტერესს ნაციონალისტური დისკურსის, ტრანსნაციონალური დინამიკისა და დისკურსის ანალიზის მიმართ. ნინო ფლობს ცენტრალური ევროპის უნივერსიტეტის მაგისტრის ხარისხს ნაციონალიზმის კვლევების მიმართულებით და ბაკალავრის ხარისხს საერთაშორისო ურთიერთობებში თბილისის სახელმწიფო უნივერსიტეტიდან (თსუ).ამასთანავე, ნინოს ჰქონდა როგორც სასწავლო, ისე კვლევითი თანამშრომლობის გამოცდილება, ისეთ ინსტიტუტებთან, როგორიცაა ედინბურგის უნივერსიტეტი, ციურიხის უნივერსიტეტი, ვარშავის უნივერსიტეტი და ფრანკფურტ ოდერის ევროპული უნივერსიტეტი (ვიადრინა).
მეცნიერული წვლილისთვის ნინომ მიიღო არაერთი ჯილდო და სტიპენდია, მათ შორის Forbes 30 Under 30 Georgia მეცნიერების კატეგორიაში და ვიშეგრადის ფონდის სამეცნიერო სტიპენდია, ისევე როგორც სამაგისტრო და სადოქტორო კვლევების სრული დაფინანსება და სტიპენდია.
კონსტანტინე იოსელიანი საქართველოს წარმოადგენდა ფინეთის რესპუბლიკაში საქართველოს საელჩოს საქმეთა დროებითი რწმუნებულის რანგში. აგრეთვე, იყო შვედეთის სამეფოში საქართველოს საელჩოში უფროსი პოლიტიკური მრჩეველი. კონსტანტინე იოსელიანი მუშაობდა საქართველოს საგარეო საქმეთა სამინისტროში სხვადასხვა თანამდებობებზე, მათ შორის ევროპულ საქმეთა დეპარტამენტის ცენტრალური და დასავლეთ ევროპის სამმართველოს უფროსის თანამდებობაზე და ნატოს უსაფრთხოების პოლიტიკისა და ევროატლანტიკური ინტეგრაციის დეპარტამენტის უფროს მრჩეველად.
ამჟამად, იგი ეწევა აკადემიურ და კვლევით საქმიანობას საქართველოს უნივერსიტეტში და ასწავლის დიპლომატიური თეორიისა და პრაქტიკის, გლობალიზაციის, დემოკრატიისა და მოქალაქეობის კურსებს. მისი კვლევის სფერო ფოკუსირებულია მედეგობის კონცეფციაზე. კერძოდ, სადოქტორო პროგრამების ფარგელბში იკვლევს მედეგობის ფენომენს: კონცეპტუალურ მნიშვნელობასა და პრაქტიკული პოლიტიკას სახელმწიფო სოციალური მედეგობის შესახებ რუსეთ-უკრაინის ომის კონტექსტში. ასევე, მედეგობის სირთულეებს და შედეგებს საერთაშორისო კონფლიქტის სფეროში.
კონსტანტინე იოსელლიანს მიღებული აქვს მაგისტრის ხარისხი საერთაშორისო და ევროპულ უსაფრთხოებაში ჟენევის უსაფრთხოების პოლიტიკის ცენტრში/ჟენევის უნივერსიტეტში. მათ შორის, აქტიურად მონაწილეობს კვალიფიკაციის ასამაღლებელ სხვადასხვა საერთაშორისო პროგრამებსა და პროექტებში.
გიორგი არის საქართველოს უნივერსიტეტის უსაფრთხოების, პოლიტიკის და ნაციონალიზმის ცენტრის მკვლევარი.
გამოცდილება
გიორგის აქვს ანალიტიკოსად მუშაობის 20 წლიანი გამოცდილება. მისი ძირითადი ინტერესის სფეროს მიეკუთვნება ეროვნული უსაფრთხოების პოლიტიკა, რუსეთის საგარეო და შიდა პოლიტიკა და რეგიონული უსაფრთხოება. 2018-22 წლებში იგი იყო საქართველოს სტრატეგიისა და საერთაშორისო ურთიერთობების კვლევის ფონდის მკვლევარი. 2014-2017 წლებში მუშაობდა სახელმწიფო უსაფრთხოებისა და კრიზისების მართვის საბჭოს აპარატში, საგარეო უსაფრთხოების საკითხთა დეპარტამენტის დირექტორად. 1999-2014 წლებში კი მუშაობდა საქართველოს დაზვერვის სამსახურის ანალიტიკურ დირექტორატში.
განათლება
გიორგიმ დაამთავრა საქართველოს საზოგადოებრივ საქმეთა ინსტიტუტის (GIPA) საერთაშორისო პოლიტიკის სამაგისტრო პროგრამა. მას ასევე სხვადასხვა დროს გავლილი აქვს ტრენინგები და კურსები ეროვნული უსაფრთხოების პოლიტიკის, ანალიზისა და დაზვერვის სფეროებში. მათ შორის, „აშშ-ის ეროვნული უსაფრთხოების პოლიტიკა“, აშშ (2018); „ანალიტიკური კურსები“, დიდი ბრიტანეთი (2010); „დაზვერვა და უსაფრთხოება“, გერმანიის ფედერაციული რესპუბლიკა (2001).
ხატია დავლიანიძე არის უსაფრთხოების, პოლიტიკისა და ნაციონალიზმის კვლევის ცენტრის (UGSPN) მკვლევარი.
განათლება
ხატია ფლობს საქართველოს უნივერსიტეტის ბაკალავრის ხარისხს საერთაშორისო ურთიერთობებში და მაგისტრის ხარისხს გლობალურ სწავლებებში.
გამოცდილება
ხატია დავლიანიძე 2017 წლიდან აქტიურად აქვეყნებს ანალიტიკურ სტატიებსა და პოლიტიკის დოკუმენტებს საერთაშორისო პოლიტიკისა და უსაფრთხოების, ბალკანეთის ქვეყნების საშინაო და საგარეო პოლიტიკის საკითხებზე.
მისი ინტერესის სფეროს სამხრეთ-აღმოსავლეთ ევროპის სახელმწიფოების პოლიტიკა წარმოადგენს.
განათლება:
რევაზს მიღებული აქვს ბაკალავრის ხარისხი საერთაშორისო ურთიერთობებში შორეული აღმოსავლეთის სპეციალობით თბილისის თავისუფალი უნივერსიტეტიდან. მოგვიანებით, მან სწავლა განაგრძო ჩინეთში, ლანჯოუს უნივერსიტეტში. მაგისტრის ხარისხი რევაზმა მიიღო დაზვერვის, უსაფრთხოებისა და სტრატეგიული კვლევების მიმართულებით ისეთი ცნობილი ინსტიტუტებიდან, როგორებიცაა გლაზგოს უნივერსიტეტი (დიდი ბრიტანეთი), დუბლინის უნივერსიტეტი (ირლანდია) და ჩარლზის უნივერსიტეტი (ჩეხეთი).
გამოცდილება:
რევაზს აქვს შესანიშნავი სამუშაო გამოცდილება საჯარო სექტორში, საერთაშორისო ორგანიზაციებსა და არასამთავრობო ორგანიზაციებში. თავისი კარიერის მანძილზე ის მუშაობდა საქართველოს ეკონომიკისა და მდგრადი განვითარების სამინისტროში, გაეროს განვითარების პროგრამაში, ეკონომიკური გაუმჯობესების ცენტრში და რამდენიმე სხვა არასამთავრობო ორგანიზაციაში. ორ წელზე მეტი ხნის განმავლობაში, რევაზი იყო ფრანკლინის კლუბის აკადემიური დირექტორი და ხელმძღვანელობდა საქართველოში ერთ-ერთ ყველაზე დიდ საგანმანათლებლო პროექტს.
ამჟამად რევაზ თოფურია არის საქართველოს უნივერსიტეტის ლექტორი. ის ასწავლის საბაკალავრო და სამაგისტრო კურსებს პოლიტიკური იდეოლოგიების, ჰიბრიდული ომის, დაზვერვის კვლევების, დეზინფორმაციის კვლევების შესახებ.
რევაზს გამოქვეყნებული აქვს არაერთი აკადემიური სტატია და ასევე წიგნი პოლიტიკურ იდეოლოგიებზე.
